Cafodd Y Trallwng siawns i fynd ar y blaen môr fuan a’r ail funud ond methu wnaeth y capten gyda’r gic cosb yn y gwynt cryf. Gyda’r gwynt ar eu cefnau cafwyd cicio deallus gan faswr Y Trallwng i gadw Pwllheli ar y droed ôl. Dangosodd Pwllheli eu gallu i redeg y bêl ar sawl achlysur fodd bynnaf ac o symuniad ddechreuodd yn ddyfn yn eu hanner eu hunain sgoriwyd pwyntiau cynta’r gêm ar ôl hanner awr, a hynnu’n erbyn llif y chwarae.

Dau funud yn ddiweddarach ymestynwyd mantais Pwllheli i 0-10 gyda ail gais wrth i’r cefnwyr redeg y bêl eto. Toedd yna fawr i ddewis rhwng y ddau set o flaenwyr ond roedd dawn Pwllheli’n amlwg bob tro y daeth pêl i law y cefnwyr. O fewn eiliadau i’r chwiban am hanner amser cafodd Y Trallwng ergyd greulon pan sgoriodd yr ymwelwyr eu trydedd cais i symud y sgôr i 0-15.

Er fod y gwynt yn eu hwynebau dechreuodd y tîm cartref yr ail hanner yr un modd a’r cyntaf, yn sicrhau y rhan fwyaf o’r meddiant ond yn methu a thorri amddiffyn cadarn Pwllheli. Ar ôl sugno’r pwysau am gyfnod helaeth ychwanegodd Pwllheli at y sgôr yn dilyn toriad o’u llinnell eu hunain ar ôl 27 munud gyda tros gais i sicrhau’r pwynt bonws.